Get Adobe Flash player
Archived Content
Archived Contents
Visitor Counter
Content View Hits : 35130

የላይ አርማጭሆ ወረዳ አጠቃላይ ገጽታ

የላይ አርማጭሆ ወረዳ 33 የገጠርና አንድ የከተማ ቀበሌ አስተዳደር አሉት፡፡ወረዳው በሰሜን ታች አርማጭሆ ወረዳ በምዕራብ ጭልጋ ወረዳ ፣በደቡብ ጎንደር ከተማና ደንቢያ ወረዳ ፣በምስራቅ ወገራ ወረዳ ያዋስኗታል፡፡የወረዳው የቆዳ ስፋት 132885 ካሬ ሜትር ይሸፍናል፡፡የወረዳው አጠቃላይ የህዝብ ብዛት 166103 ነው፡፡ የወረዳው የአየር ንብረት 29% ቆላማ፣9.7% ደጋማ እና 61.3% ወይና ደጋ ሲሆን የመሬት አቀማመጥም 44% ተራራማ፣ 30% ሜዳማ፣17 ፕላቶ 9% ሸለቆ ነው

የወረዳው ከተማ ትክል ድንጋይ ከጎንደር በ24 ኪ.ሜ ርቀት ላይ ትገኛለች፡፡ ከተማዋ ከመቆርቆሯ በፊት ከበረሃ የሚመጡ ነጋዴዎች ማደሪያ፣ማረፊያ እንዲሁም የእርሻ ቦታና እንዲሁም የእንስሳት መዋያ እንደነበር ይነገራል፡፡

ደጅ አዝማች ተሰማ ከግራኝ አህመድ ዘመቻ ከተመለሱ በኋላ ፖሊስ አደራጅተው በተለምዶ ዋልጌ መቆሚያ ተብሎ የሚጠራው አካባቢ ጎጆ ቤት አሰርተው ስራ እንደጀመሩና ከዚያን ጊዜ ጀምሮ የፖሊስ መስሪያ ከተደራጀባቸው ጎጆ ቤት ራቅ በማለት ከዚያ አልፈው አልፈው እየተሰሩ እንደሚመጡና ከ1940 ዓ/ም ጀምሮ ከተማዋ እንደተቋቋመች መረጃዎች ይጠቁማሉ፡፡
ወረዳው ደጋ ወይና ደጋና ቆላማ የአየት ንብረት ያለው ሲሆን በአማካኝ ሙቀቱ 18.5 ዲግሪ ሴሊሽየስ እና የአመቱ የዝናብ መጠን በአማካኝ 1150 ሚሊ ሜትር ነው ፡፡

22803 መልማት የሚችል መሬትመ ያለ ሲሆን ወረዳው የመልካም ምድራዊ አቀማመጡ ወጣ ገባ የበዛበት ነው፡፡በአብዛኛው የማሽላ፣የዳጉሳ ምርት ሲያመርት በተጨማሪም ጌሾ አልፎአልፎ የአትክልትና ፍራፍሬ ውጤቶች ያመርታል፡፡

በወረዳው ከሚገኙ አብይ የቱሪስት መስህብ ቦታዎች መካከል የውናንያ የተፈጥሮ መስብ በዋነኛነት የሚጠቀስ ነው፡፡ ይህ የቱሪስት መስህብ ከጎንደር 24 ኪሎ ሜትር እንዲሁም ከወረዳው ከተማ ከት/ድንጋይ በግምት 40 ኪሎ ሜትር ርቀት ላይ የሚገኝ ሲሆን፣18392 ሄክታር መሬትን ያካልላል፡፡

ወረዳውም ይህንን ቦታ የቱሪዝም መዳረሻ ለማድረግ ትኩረት ሰጥቶ በመስራት ላይ ይገኛል፡፡የመሬት አቀማመጡ 18.3 በመቶ ሜዳማ 25 በመቶ ተራራማ 17.35 በመቶ ሸለቋማ እና 39.4 በመቶ እስካርፕ መንት ሲሆን የአየር ንብረቱ 18 በመቶ ቆላማ 55 በመቶ ወይና ደጋ 27 በመቶ ደጋማ ነው፡፡

ይህ ስፍራ ከጎንደር ወደ ሰሜን ፓርክ ከሚወስደው መንገድ ዳር የሚገኝ በመሆኑ ጎብኝዎች ወደ ሰሜን ፓርክ በሚጓዙበት ወቅት ነፋሻማ አየር እየመገበ ቤት ለእንግዳ ብሎ አስተናግዶ የሚሸኝ ልዩ ስጦታ ያለው ቦታ መሆኑ ተመራጭ አድርጎታል፡፡

በመስህብ ሃብቱ ዙሪያ የዱር ሂወት ማኔጅመንትና ማህበር አቀፍ ቱሪዝም ዙሪያ ለ 382 አርሶ አደሮች ስልጠና ተሰጥቶ በአሁኑ ሰዓት በአካባቢው የሚገኙ 12 ስራ አጥ ወጣቶችን የጋይድ ስልጠና በመስጠት በማሰማራት ላይ የሚገኙ 4 የጥበቃ ሰራተኞችም ተቀጥረው በመስራት ላይ ናቸው፡፡

የውናንያ የተፈጥሮ መስህብ የመከለልና የምልክት ተከላ ስራ የተጠናቀቀ ሲሆን ለጎብኝዎች ምቹ ይሆን ዘንድ የ3 ኪሎ ሜትር መንገድ ስራ ተሰርቷል፡፡ጥብቅ ደኑ ለሳይንሳዊ ጥናት ምርምር ለትምህርታዊ ጉብኝት ለቱሪስት አገልግሎት የገቢ ምንጭ ለአካባቢው ህ/ሰብ አማራጭ የስራ እድል ማለትም አካውንትና የጥበቃ ሰራተኛ የምግብ አብሳይ ስራ ለኢ-ኮ ቱሪዝም ማህበራት የሚሰጠው ፋይዳ የጎላ ነው፡፡እንዲሁም የአካባቢውን መሬት በመሸንሸን ለባለ ሃብቶች የኢንቨስትመንት ፍቃድ በመስጠት እንደ ሎጂ አይነት የመዝናኛ ቦታዎች በማስገንባት በባለ ሃብቱም ሆነ ለወረዳው ከፍተኛ ጥቅም ይሰጣል፡፡እስካሁን ባሉ መረጃ መሰረት መስህብ ሃብቱ 68 የሀገር ውስጥና 340 የውጭ ሃገር ቱሪዝም ሊጎበኙት ችለዋል፡፡ከዚህ ውስጥም ወደ 10 ሺህ ብረ የሚገመት ለአካባቢው ህ/ሰብ የገቢ ምንጭ ሆኗል፡፡

 
Search
What is your Opinion About This Site?
 
Who is Online
We have 1 guest online